Aslan canlı yayımda biabır oldu

"Lider" televiziyasında "Çıxış yolu" adlı sosial proqramın yayımına başlanılıb. Verilişin ilk buraxılışının əsas mövzularından biri hazırda qan xərçəngi xəstəliyindən əziyyət çəkən rejissor Şahin Zəkizadəylə bağlı olub. 

Nuranə Gülərin (Axundova) aparıcısı olduğu proqramın ilk buraxılışı daha bir maraqlı hadisəylə yadda qalıb. Müğənni Aslan Hüseynov efirin sonuna 51 saniyə qalmış studiyaya çağırılıb və yalnız tamaşaçılarla salamlaşa bilib. Sənətçi üzləşdiyi vəziyyətdən bu sözlərlə çıxmağa çalışıb:

"Əsas odur ki, gəldim salamlaşdım. Tarixdə mahnısız ilk musiqili qonaq oldum".
Qeyd edək ki, hər gün 17:30-da efirə çıxan verilişin informasiya dəstəçkisi Ölkə.Az saytıdır.

İntiqam VALEHOĞLU
Ölkə.Az