Aparıcısından Space-ə kinayəli
Ötən gün yaranmasının 19 ili tamam olan "Space" televiziyasının tanınmış simalarından olan Günel Həsənzadənin təbriki birmənalı qarşılanmayıb.
Ölkə.Az-ın məlumatına görə, aparıcı 19 il sözügedən şirkətdə çalışdığını və hələ də normal mənzilinin olmadığını qeyd edib:
"Artıq 19 ildir ki, mən bu şirkətdə çalışıram. Kanal açılmazdan 3 ay öncə burada çalışmağa başladım. Qazandığım tamaşaçıların rəğbəti və hələ də kreditini gecikdirmələrlə ödəməkdə çətinlik çəkdiyim mənzil oldu. Jurnalistlərin əməyinə layiqincə qiymət verən cənab prezidentin növbəti mənzil hədiyyəsindən ümidvaram ki, mənə də pay düşəcək. 19 illik bayramın mübarək".
Qeyd edək ki, Günel Həsənzadə "Space" telekanalında bir sıra layihələrin aparıcısı olub. Hazırda "Banu" verilişinin aparıcısıdır.
