Ancelina Colinin keçmiş əri danışdı

Anjelina Colinin keçmiş əri onunla yaşadığı həyatı dəlilik adlandırdı.

Ölkə.Az xəbər verir ki, Ancelina Colinin keçmiş əri aktyor və musiqiçi Billi Bob Tornton "Hollywood Reporter" jurnalına verdiyi müsahibəsində bildirib ki, aktrisa ilə birlikdə yaşadığı həyat "dəlililik dövrü" olub. O, ailə həyatının xüsusiyyətləri haqqında danışıb və Coli ilə ayrılmağının səbəbini açıqlayıb.

2000-ci ildən 2003-cü ilə qədər Coli ilə evli olan 59 yaşlı Tornton qeyd edib ki, onların birlikdə ekstravaqant şəkildə yaşadıqları həyat heç vaxt xoşuna gəlməyib. Aktyor izah edib ki,"dəlilik" sözü altında Ancelina ilə onların vampir sevgisini nəzərdə tutur(xüsusi ilə boyunlarından bir-birinin qanı olan kulonları asmağı və imarətin zirzəmisində yaşamaqları).

Həmçinin, Tornton təəssüflə bir birinin adlarını döymə kimi etdirmələri və boşanmadan sonra silmək məcburiyyətində olduqlarını xatırlayıb.

Billi Bobun sözlərinə görə, nigah qarşılıqlı razılıqla, lakin onun təşəbbüsü ilə dağıldı:

"Bizdə hər şey mükəmməl idi, bizim aramızda heç bir qalmaqal və nifrət yox idi, sadəcə mən özümü kifayət qədər xoşbəxt hiss etmirdim" - deyə Billi izah edib.

Billi Bob Tornton "Pis Santa", "Real sevgi", "Armageddon", "Dözülməz qəddarlıq", filmlərdə çəkilib. Şöhrəti isə ona "Sling Blade" filmi gətirib. Həm rejisor, həm ssenari müəllifi, həm də baş rol ifaçısı olan Tornton bu filmə görə "Oskar" mükafatı alıb.

Qeyd edək ki, Tornton Ancelina Colinin ikinci əri olub. Birincisi 1996-cı ildən 1997-ci ilə gədər britaniyalı aktyor Conni Li Miller olub. 9 il birlikdə olduqdan sonra Coli 2014 -cü ildə Bred Pittlə evlənib.

Çinarə Vahabzadə

Ölkə.Az