Türkiyəli məşhur müğənni Miri Yusiflə duet oxuyacaq

İstanbulda keçirilən moda həftəsində dəfiləyə çıxan türkiyəli məşhur müğənni-bəstəkar Sinan Akçıl ARB TV-yə ekskluziv açıqlamalar verib.

Bəstəkar və müğənni, yaxın zamanlarda bir çox sürprizlərinin olacağını bildirib. Onlardan biri də MiriYusiflə oxuyacağı duetdir.

Belə ki, yayın hitinə çevrilən “Miri Yusif və Röya”nın ifa etdiyi “Səndən bir dənədir” mahnısını, bu dəfə“Miri Yusif və Sinan Akçıl”dan eşidəcəyik.

Sinan Akçıl təqdimatın yenil il ərəfəsində baş tutacağını bildirib.

Bu ifanın yeni versiyasını isə müğənni-bəstəkar məhz “Türk Şou Magazin” üçün oxuyub.

Bununla yanaşı Sinan Akçıl Ayğün Kazımovadan da söz açaraq, xalq artistimizdən də danışıb.

Bütün bu açıqlamalara 22 oktyabr saat 21:00-da ARB TV-nin efirində yayımlanan “Türk Şou Magazin” proqramında baxa bilərsiniz.