Emin Ağalarov Ani Lorakla duet oxudu

Müğənni Emin Ağalarov həmkarı Ani Lorakla duet oxuyub

Ölkə.Az xəbər verir ki, hələ yay aylarında Maksim Fadeyev tərəfindən mahnı yazılmışdı. Bu barədə Bakıda keçirilən beynəlxalq musiqi festivalında məlumat verilmişdi. Dünən isə "Mən deyə bilmərəm" adlı sinqlın təqdimatı keçirilib.

Fadeyev jurnalistlərə müsahibəsində mahnının yaranma tarixi barədə məlumat verib. Bəstəkarın sözlərinə görə, Eminlə onu ümumi layihələrdən başqa, möhkəm dostluq bağları da birləşdirir: "Biz Eminlə bir dəfə qadınlar haqda söhbət edirdik. O, keçmiş sevgisi barədə danışdı və hələ də o qadını unuda bilmədiyini qeyd etdi. Mən bu sevginin tarixçəsi ilə maraqlandım və qadın və kişi dialoqu üzərində qurulmuş mahnı təklif etdim".

Emin Ağalarov mahnını duet oxumaq üçün Ani Loraka təklif edib. Onları qarşılıqlı simpatiya və dostluq münasibətləri birləşdirir.

Hikmət
Ölkə.Az