Doğuş Xoşqədəmdən qabaq bu qadınla evli olub

Bir neçə gün öncə Azərbaycanın məşhur teleaparıcılarından olan Xoşqədəm Hidayətqızının türkiyəli müğənni Doğuşla evlənməsi xəbəri işıq sürətilə yayılmağa başladı. Bunun doğru olub-olmaması ilə bağlı dəqiq fikir bildirilmir. Bəziləri bunun gerçək, bəziləri isə film çəkilişi ilə bağlı olduğunu dilə gətirir. Doğuş kifayət qədər tanınsa da aramızda onun haqqında bilməyənlər də az deyil. Bunun üçün də Ölkə.Az olaraq Doğuş haqqında bilməyənlər üçün kiçik bir araşdırma etmək qərarına gəldik.

Doğuş, 1970-ci il iyun ayının 30-da Almaniyada dünyaya gəlib. Əslən Rizə şəhərindən olan müğənni 4 yaşına qədər Almaniyada yaşayıb. 4 yaşında ailəsi ilə Türkiyəyə köçüb. Ailəsində bəzi səbəblərdən dolayı evdən qaçaraq və balaca yaşlarından küçələrdə yaşamağa başlayıb. Daha sonra adını Doğuş olaraq dəyişdirib.

Karyerasına 1997-ci ildə "Doğuş" albomu ilə start verib. İlk albomu olmasına rağmen sevildi. Bundan sonra Doğuş 1998, 2000, 2001, 2004- cü illərdə də yenidən albomlar çıxardı.

2005-ci ildə Doğuş özünün "Doğ musiqi" studiyasını yaradıb.

2006-cı ildə isə yeni albom buraxan Doğuş, albomda 1 nömrəli mahnısı "Dönək"ə klip çəkdirib.

2010-cu ildə də Doğuş yeniliklərlə gündəmə gəldi. "Qırıq xəncər" albomunda Cankan və Niran Ünsal ilə birlikdə duetləri şou aləminə səs salıb.

Artıq tam əminliklə demək olar ki, Doğuş Türkiyədə sevilib seçilən müğənnilərdən biridir. Doğuş artıq 1 dəfə evli olub və ayrılıb. Doğuş 2006-cı ildə menecerinin qızı Şeyma Uyğun ilə evləndi və bu evlilik sadəcə 3 il ömür sürdü.

Doğuş 2012-ci ildə Survivor yarışmasında iştirak edib.

Niyaməddin Şirinov

Ölkə.Az