Elnarə-Səidə davası qızışır: "Başını yerindən üzərəm!"

Elnarə Xəlilova və Səidə Sultan arasındakı qalmaqal səngimək bilmir.

Ölkə.Az-ın məlumatına görə, Xəlilovanın "onun əlindən tutub səhnəyə mən gətirmişəm" açıqlaması qarşı tərəfi özündən çıxarıb: 

“Bezdim bu mənasız söz-söhbətlərdən! İnan, ay Elnarə, adımın səninlə hallanması üçün ürəyim getmir. Nəzərinə çatdırım ki, danışan, adımı çəkən sənsən. Nə bilim, deyirsən, mənə o vaxt sən yaxınlaşmısan, sən təklif etmisən. Yəqin bilirsən ki, sizin rəhbəriniz Vaqif Gərayzadə olub. Mənə elə gəlir ki, o kişinin razılığı olmadan sən özbaşına hərəkət edə bilməzdin. Nəinki sən, heç biriniz! Bizə gələn, yəqin Röyanın ruhu idi. Gəlin, məntiqlə fikirləşək. Əgər mən “W-trio”ya gəlirəmsə, qrupun repertuarını öyrənməliydim. İndi o mahnıların sözlərini mənə vermisən deyə, o deməkdir ki, mənim əlimdən tutub səhnəyə gətirmisən? Ya da ki mənə oxumaq öyrətmisən? Nəzərinə çatdırım ki, mən solo karyerama tək başlamışam. 17 yaşım olanda Heydər Əliyev Sarayında məhz bəstəkar Esmiraldanın mənə yazdığı “Gecə yarısı” adlı mahnını oxuyurdum.

Mən sizin üçün yerdən çıxma müğənni deyiləm ki, çıxıb deyəsən ki, “Səidəni səhnəyə mən gətirmişəm”. Nəinki sən, başqası da artıq danışsa, başını yerindən üzərəm! Adımı çəkmə, çəkməyim! Artıq danışma, danışmayım! Hər kəs gedib öz işi ilə məşğul olsun. Bil, nə danışırsan, kimə sataşırsan. Özünü də korifey hesab etmə!"

Xatırladaq ki, Elnarə Xəlilova Zaur Kamalın aparıcısı olduğu "5-də 5" verilişində çıxışı zamanı Səidə Sultanın əlindən tutub səhnəyə gətirdiyini söyləmişdi. S.Sultan isə Ölkə.Az-a açıqlamasında səsləndirilən fikirlərin yalan olduğunu və “W-trio” qrupuna Röyanın təklifindən sonra gəldiyini bildirmişdi.

İntiqam VALEHOĞLU
Ölkə.Az