Aparıcı Ulvira yeni telekanala keçdi
Fəaliyyəti dayandırılmış ANS telekanalının keçmiş əməkdaşı, tanınmış aparıcı Ulvira Qarayeva yenidən efirə qayıdır.
Ölkə.Az-a daxil olan məlumata görə, aparıcı ARB TV-yə keçib.
Məlumatı telekanalın strateji inkişaf direktoru İsmayıl Həsənov Ölkə.Az-a açıqlamasında təsdiqləyib:
"Tamaşaçılar Ulvira Qarayevanı gələn həftədən etibarən ARB TV-nin efirində izləyə biləcəklər. Xanım aparıcının hansı verilişi təqdim edəcəyini isə yaxın günlərdə açıqlayacağıq".
Qeyd edək ki, yeni efir mövsümündən etibarən bir çox keçmiş ANS əməkdaşı ARB TV-yə keçib.
