Dünyanın ən varlı müğənniləri
"Forbes" jurnalı camaatın pulunu saymağa davam edir.
Ölkə.Az xəbər verir ki, bu dəfə nəşr orqanının hədəfi müğənnilərin qonorarı olub. Bu il dünyanın ən çox pul qazanan müğənnisi Teylor Svift olub. Onun gəliri 170 milyon dollardır. Teylor bu uğura "1989" adlı dünya qastrol səfəri və Diet Coke, Apple, Keds kimi şirkətlərlə imzaladığı reklam müqaviləsi sayəsində nail olub.
İkinci yerdə 80.5 milyon dollar qazanan Adel gəlir. Müğənni bu pulu "25" adlı albomun satışından və çoxsaylı konsert proqramlarından əldə edib. Üç il əvvəl bu siyahıya liderlik edən Madonna 76.5 milyon dollar gəlirlə siyahıda üçüncü yerdə qərarlaşıb. Siyahıda dördüncü yerdə 75 milyon gəlirlə Riannadır. Bu il qazancı 54 milyon olan Beyons siyahının beşincisidir.
Jurnalın tərtib etdiyi siyahını təqdim edirik:
1. Teylor Svift-170 milyon dollar
2. Adel-80.5 milyon dollar
3. Madonna- 76.5 milyon dollar
4. Rihanna-75 milyon dollar
5. Beyons-54 milyon dollar
6. Keti Perri-41 milyon dollar
7. Cennifer Lopez-39.5 milyon dollar
8. Britni Spirs-30.5 milyon dollar
9. Şanayya Tveyn-27.5 milyon dollar
10. Selin Dion-27 milyon dollar
Hikmət