Tanınmış redaktora "ARB24" telekanalında vəzifə verildi

Tanınmış telerepartyor və redaktor Vüqar Əliyevin yeni iş yeri bəlli olub.

O, televiziya fəaliyyətini "ARB24"-də davam etdirəcək. Bu barədə Vüqar Əliyev Ölkə.Az-a özü açıqlama verib.

Bildirib ki, işlə bağlı ona kifayət qədər təklif gəlib, lakin o, "ARB24"-ü seçib: 

"Burada işçilər üçün yaradılan şərait və iş prinsipi mənim ruhuma uyğundur. Hər 30 dəqiqədən bir xəbər buraxılışı təqdim etmək çətin, həmçinin məsuliyyətli bir işdir. Şadam ki, mən də ARB ailəsinin bir üzü olaraq xəbər kanalında çalışacam və onun uğurları üçün əlimdən gələni edəcəm".

Qeyd edək ki, Vüqar Əliyev 1999-cu ildən mətbuatda fəaliyyət göstərir. 2001-ci ilə qədər "525-ci qəzet"də çalışıb. Həmin tarixdən etibarən ATV, ANS kanallarında repartyor və redaktor vəzifəsində çalışıb. Sonuncu dəfə SPACE TV-də bölgələr üzrə redaktor vəzifəsində işləyib. Noyabr ayından etibarən "ARB24" kanalının uğurları üçün çalışacaq.

İntiqam VALEHOĞLU
Ölkə.az