Kemal Sunal ad günündə ailəsi tərəfindən yad edildi

Bu gün Türkiyənin "gülən adamı" kimi tanınan məşhur aktyor Kemal Sunalın ad günüdür. Kemal Sunal 2000-ci ilin 3 iyul tarixində vəfat edib.

Ölkə.Az xəbər verir ki, məşhur aktyor ad günündə həyat yoldaşı və oğlu tərəfindən yad edilib.

Aktyorun həyat yoldaşı Gül Sunal şəxsi instaqram səhifəsində həyat yoldaşını təbrik edib və onu unutmadığını qeyd edib.

"Gülən adam"ın oğlu Ali Sunal da köhnə bir fotonu instaqramda paylaşaraq:

"Nə yaxşı ki, anadan oldun gözəl insan, mələk insan. Nə yaxşı ki, bu dünyaya gəldin, nə yaxşı ki, səni tanıdıq. Səndən təmizliyi və saflığı öyrəndik. Nə yaxşı ki, canım oldun, atam oldun, canım atam oldun. Nə yaxşı ki, sənə toxundum, qucaqlayıb öpdüm, dizlərində yatdım. Nə yaxşı ki var idin, həmişə də var olacaqsan. Nə yaxşı ki..." yazıb.

Hikmət