Əməkdar artistdən oliqarx arvadlarına

Tanınmış müğənni, əməkdar artist Zöhrə Abdullayeva qonağı olduğu "Ondan sonra" verilişində kişilər barədə maraqlı açıqlamalar verib

Ölkə.Az xəbər verir ki, sənətçi həyat yoldaşından uzaq dura bilməyən kişilərdən danışıb:

"Kişilər var ki, arvadın ətəyindən ayrılmır. İmkan ver arvad da yaşasın".

Z.Abdullayeva müğənnilərə yuxarıdan aşağı baxanlar haqda isə bunları deyib:

"Sənətçilərin əksəriyyətinin bəxti gətirmir. Oliqarx arvadları var ki məclislərə gəlib, müğənnilərə yuxarıdan aşağı baxırlar. Bizim bəxtimiz məhz onlara yazılıb. Onlara deyərdim ki, biz siz düşündüyünüz kimi əksik adamlar deyilik. Şəxsən mən özümü hamıdan üstün hesab edirəm".

Xatırladaq ki, əməkdar artist özü də bir müddət aparıcı kimi fəaliyyət göstərib.

İntiqam VALEHOĞLU
Ölkə.Az