Röya, Hadisə, Miri Yusif - üçü 9 manata
Bakı Olimpiya Stadionunun (BOS) təşkilatçılığı ilə 31 dekabr tarixində Yenil il və Dünya Azərbaycanlılarının Həmrəyliyi Gününə həsr olunmuş "Ən yeni il" konserti keçiriləcək.
Ölkə.Az-ın məlumatına görə, bununla bağlı keçirilən mətbuat konfransında BOS-un baş direktoru Cavid Qarayev məlumat verib. Onun sözlərinə görə, konsert proqramında yerli ulduzlar Röya və Miri Yusiflə yanaşı, türk estrada ulduzları Hadisə, Demet Akalın, Murat Dalkılıç, Berksan, Ozan Doğulu, məşhur DJ-lər Cemre və Mahmut Orxan çıxış edəcəklər. Stadionun əsas meydançasında təşkil olunacaq konsert proqramı yeni ilə geriyə-sayım, bayram atəşfəşanlığı və diskoteka ilə davam edəcək:
"Biz bazarı araşdırdıq və məlum oldu ki, hazırda Azərbaycanda ən populyar sənətçilər Röya və Miri Yusifdir. Həmçinin Türkiyədən dəvət etdiyimiz müğənnilər də ölkəmizdə yetərincə sevilirlər".
Xatırladaq ki, biletlərin qiyməti 9-100 manat arasında dəyişir.
Fotolar: Nurlan Gülməmmədov
