2016-cı ildə ailə quran azərbaycanlı məşhurlar

Ölkə.Az 2016-cı ildə ailə həyatı qurmuş azərbaycanlı məşhurların siyahısını təqdim edir.

2016-cı il ukrayna əsilli aparıcı Yelena Sidorenkonun həyatında ailə qurmasıyla əlamətdar oldu. O, Mehdi Eyvazlı adlı şəxslə ailə qurdu.

Aprel ayı sənət aləmi üçün müğənni Elçin Cəfərovun toyuyla yadda qaldı. Cəfərov Xalq şairi Sabir Rüstəmxanlının qızı Aydan Rüstəmxanlıyla ailə qurdu. Xatırladaq ki, bu, sənətçinin ikinci evliliyidir.

Mərhum müğənni Vidadi Bərdəlinin qızı, Aytac Vidadiqızı isə Türkiyə vətəndaşı Can Bekirlə nikah masasına oturdu. Cütlüyün bir övladı var. Qeyd edək ki, Aytacın qız toyu dekabrda, oğlan toyu isə yanvarda Türkiyədə baş tutmuşdu.

Aprel ayında "Eurovision" təmsilçimiz Fərid Məmmədov da ailə həyatı qurdu.

İyun ayında dünya şöhrətli azərbaycanlı karateçi Rafael Ağayev subaylığa əlvida dedi.

Sentyabrda isə jurnalistlər İradə İsaq və Yaşar İsakov evləndilər.

Xalq artisti Firuz Əliyevin oğlu Əli Əliyev də bu il ailə quranlardan oldu.

Əməkdar artist Cavanşir Məmmədovun qızı Xatirə noyabrda tanınmış türk aktyor Arif Selçukla nikah masasına oturdu.

Bir neçə gün öncə isə daha bir əməkdar artist Rafael İsgəndərovun qızı ailə qurdu.

Eyni ərəfədə milli komandamızın və "İnter"in üzvü Ruslan Abışov subaylığa əlvida dedi.

Tanınmış aktyor Elxan Quliyevin oğlu, müğənni Elgün Quliyevin də toyu bu ilə təsadüf etdi.

İntiqam VALEHOĞLU
Ölkə.Az