"İğdırın nə vaxtdan ağ alması olub?"
"O səs Türkiyə" yarışmasında daha bir Azərbaycan mahnısı anonim kimi təqdim edilib
Ölkə.Az-ın məlumatına görə, Dodan adlı iştirakçı "Qubanın ağ alması" mahnısını "İğdırın ağ alması" kimi oxuyub.
Tanınmış müğənni Əli Mirəliyev əməkdaşımızla söhbətində bildirib ki, "Qubanın ağ alması"nı İbrahim Topçubaşov yazıb:
"O, ixtisasca həkim olsa da, bir sıra mahnılar yazmışdı. Sadəcə, sonradan xalq mahnısı kimi təqdim edildi. Bu əsəri Fikrət Əmirov orkestrləşdirib. Məsələn, "Gözəlim sənsən" mahnısını Fikrət Əmirov yazıb, amma xalq mahnısı kimi təqdim edilir. Ağ alma ancaq Qubadadır. İğdırın nə vaxtdan ağ alması olub? Belə şey etməsinlər".
Xatırladaq ki, sözügedən müsabiqədə bir sıra bəstəkar və xalq mahnılarımız anonim kimi təqdim edilir.
İntiqam VALEHOĞLU
Ölkə.Az
