Elgiz: “Əri və uşaqları yanımızda ola-ola soyunub-geyinirdi”

Ölkə.Az xəbər verir ki, ARB TV”də yayımlanan “Gəlin danışaq” verilişinə qatılan məşhur aparıcı Elgiz Əkbər maraqlı açıqlamalar verib: "Mən sizə bir şey danışım. Bir dəfə bir aparıcı var onunla onlara getdim. Həmin aparıcı da çox tanınan biri deyil, arada bir efirlərdə olur, sonra itir, yenə qayıdır. Bir ortaq dostumuz var idi onun ad gününə ikimiz bir getməli idik. Onun üçün də bunların evinə gəldik ki, geyinsin gedək. Yoldaşı yanımızda bu da geyinib-keçinir. Birin geyinib, birini soyunur. Mənim də ürəyim sıxılır ki, tez olsun gecikirik. Mənə qayıdıb dedi ki, Elgiz məni qınamayın e mən ulduzam. Mən fərqli olmalıyam. Sözündən belə çıxdı ki, sən elə belə adamsan, mən ulduzam. Bəzi insanlar elə başa düşür ki, 5-6 dəfə televiziyaya çıxırsa, artıq məşhurdur. Mən bu zirvəyə çatmaq üçün çox əziyyət çəkmişəm".

 
“Bu, mənim öz günahımdır. Mənə çoxlu layihələr təklif olunub. Obyektiv səbəblərdən dəyərləndirə bilmədim. Səhhətimdə problem oldu. Bir az ciddi problem idi. əsəb, stress üst-üstə yığılmışdı. İstənilən adamdan soruşsan, deyəcək ağrıyıram. Müalicə olundum. Elə hesab edirəm ki, pələng kimiyəm. Bundan sonra efirdə tez-tez görünəcəyəm. Hər kəsə təkliflərə görə "sağ ol" deyirəm. Bundan sonra dəyərləndirəcəyəm”.

Aparıcı “Toy olsun” verilişinin bağlanmasından söz açıb: “Qərar verdim ki, saxlayaq. İndi türklərə baxırıq ki, eyni problemlər oradadır. Amma orada nə qədər fiziki qüsuru olan insanları evləndirdik? İndi bayramlarda zəng edirlər, uşaqları var, adını Elgiz qoyanlar var. Bunları görüb sevinirəm ki, savab işlər görmüşəm".

E.Əkbər sosial şəbəkələrdəki tənqidlərə də öz fikrini söyləyib: “Mən də jurnalist kimi yazılar yazıb, qalmaqallar işıqlandırmışam. Amma o dövr qalmaqal var idi, biz heç kimi təhqir etmirdik. Bir dəfə də olsun bir sənət adamı, müğəni deyə bilməz ki, Elgizdən incimişəm. Sosial media ortaya çıxıb, elə hallar baş verir. Xalqımıza xas olmayan nüansları nümayiş etdiririk. Bu yaxınlarda bir diceyin toyuna getdim, foto paylaşdım. Baxıram rəylərə, gəlinin haqqında bəylər elə sözlər yazırlar. Sənin nə haqqın var ki, gəlinin saçına, burnuna söz deyirsən. Qadını başa düşərəm, amma kişilər... Əvvəl belə şeyə pis baxırdılar”.
 
E.Əkbər çətinliklərdən bəhs edib: “Məşhur olmağa nə var? Hamı elə bilir ki, efirə gəldisə, tanınır. Məşhur olmaq başqa, hörmət edilib, sevilmək ayrıdır. Mən çox əziyyət çəkmişəm. Televiziyada çəkdiyim qədər heç yerdə əziyyət görməmişəm. Bu yaxınlarda Gəncədə oldum. Ağlaya-ağlaya gəzirdim. İndi də danışıb kövrəlirəm. İnsanların mənə olan münasibəti məni kövrəldirdi... Düzdür, sevinirəm. Xalq məni necə sevir? Hər zaman çalışmışam, tamaşaçı sıxıntımı hiss etməsin. Tamaşaçının nəyinə lazımdı, mənim efirdə ürəyim sıxılır, təzyiqim qalxır, halım pisləşir?”