Makoley Kalkinin ölüm xəbəri yayıldı

"Evdə tək" filminin qəhrəmanı ölüb?

Ölkə.Az xəbər verir ki, Amerikanın KİV aktyor Makoley Kalkinin ölüm xəbərini yayıblar. Məlumat rəsmi şəkildə təsdiqini tapmayıb.

Bildirilir ki, aktyorun ölümü haqqında məlumat sosial şəbəkələrdə MSNBC.website-a istinadən yayılıb. Yoxlanılmamış informasiyaya görə, 34 yaşlı aktyorun meyiti Manhettendəki evində polislər tərəfindən tapılıb. Sözügedən portalda yerləşdirilən xəbərin dezinformasiya olduğu ehtimal olunur.

Xatırladaq ki, Makoley Kalkin "Evdə tək" filmində oynadığı Kevin Makkalister roluna görə məşhurlaşıb.
O, 1990-cı ildə hələ 10 yaşında olarkən oynadığı bir rolla bütün dünyaya səs salmışdı. 34 yaşlı Makoley Kalkinin narkotik asılılığından əziyyət çəkdiyi iddia edilir. Vaxtilə ABŞ qəzetləri yazırdılar ki , onun ömrünə cəmi 6 ay qalıb.

Deyilənə görə, Kalkinin narkotikə qurşanmağının əsas səbəbi 2010-cu ildə sevgilisi aktrisa Mila Kunistən ayrılmağıdır. Həmin illərdə aktyor narkotikə ayda 6 min dollar xərcləyirmiş. Son illərdə Kalkinin həyatında bir-birinin ardından faciəli hadisələr baş verib. Əvvəlcə kiçik bacısı Dakota avtomobil qəzasında həlak oldu, sonra isə ögey bacısı Cennifer narkotikin doza çoxluğundan həyatını itirdi. 2000-ci ildə onun sərvətinə görə anası və atasının uzun sürən mübahisələri aktyora da təsir etdi. 2012-ci ilin martında sevgilisi Eliya Rozello da narkotikin qurbanı olaraq dünyasını dəyişdi. 24 yaşlı qızın valideynləri bu işdə Makoley Kalkini günahlandırdılar.

Rəşid Mustafazadə

Ölkə.Az