Aşıq Namiqin ŞOK səs yazısı

Namiq Fərhadoğluyla aşıq Tufan Daşkəsənlinin söhbətində layihə rəhbəri birincilik üçün öncədən 300, sonra isə 10 min manat pul istəyir:

"Əvvəlcədən yarışmaya qoşulmaq üçün üç yüz, sonra isə on min pul alacam. Özün demədin ki, birincilik istəyirəm? Səni də birinci edəcəyəm. SMS də vurmayacaqsan, gəlib oturub, yeyib-içib, şənlənib, gedəcəksən. Sonra da səni birinci edəcəyik. Əgər SMS gəlsə, daha bahalı maşın verəcəyəm, SMS gəlməsə, 7 minlik maşın verəcəyəm".

Əməkdaşımız sözügedən səs yazısıyla bağlı aşıq Namiqlə əlaqə saxlayıb:

"O adam üç dəfə uduzub, amma səsi normal olduğuna görə yarışmada saxlamışıq. Mənə yazıb, şantaj edir, pul qoparmaq istəyir. O səs yazısını yaymayın da. O kimdir ki mən onu reklam edim? Yarışmadır, orada SMS də mənə çatır, pul da. SMS-i olan qalib olmalıdır da, qardaş".

Xatırladaq ki, sözügedən layihədə birinci yeri Nurlan Ucarlı, ikinciliyi Elnur Naxçıvanlı, üçüncü yeri isə Anar Qazaxlı tutub. 

İntiqam VALEHOĞLU
Ölkə.Az