Ember Herd milyarder İlon Maskla barışıb

 "Ölkə.Az" xəbər verir ki, Hollivud ulduzu "Tesla Motors" və "Space X" şirkətlərinin rəhbəri, iş adamı İlon Maskla bir yerdə görüntülənib.

Verilən məlumata görə aktrisa və milyarder "An Inconvenient Sequel: Truth to Power" sənədli filminin VİP nümayişində iştirak ediblər. Palo-Altoda baş tutan mərasimin təşkilatçısı "Apple" şirkətinin rəhbəri Tim Kuk olub.

45 yaşlı Mask və 30 yaşlı Herd 2016-cı ildə görüşürdü. Bu dövrdə Mask həyat yoldaşı Talula Raylidən, Ember isə Conni Deppdən boşanırdı.

Aktrisa və biznesmen arasında eşq macərası olduğu bildirilsə də, onların yaxınları cütlüyün dost olduğunu deyir.

Qeyd edək ki, bir müddət əvvəl Herdin Maska aşiq olduğu barədə xəbər yayılmışdı.

Hikmət
Ölkə.Az