Diana finalda
"Eurovision-2017" mahnı müsabiqəsindəki təmsilçimiz Diana Hacıyeva finala çıxıb.
"Ölkə.Az"ın məlumatına görə, Ukraynanın paytaxtı Kiyevdəki Beynəlxalq Sərgi Mərkəzində keçirilən müsabiqənin ilk yarımfinalında Diana İsa Məlikovun və Sandra Byormanın müəllifi olduqları “Skeletons” mahnısını ifa edib.
İfalardan sonra finala vəsiqə qazanmış 10 ölkənin təmsilçiləri mətbuat konfransı keçirib. Bu mətbuat konfransında püşkatma nəticəsində finala keçən 10 ölkənin mayın 13-də çıxış ardıcıllığı müəyyən olunub. Hacıyeva "Skeletons"la finalın birinci hissəsində çıxış edəcək.
Xatırladaq ki, ikinci yarımfinal mayın 11-də, müsabiqənin final mərhələsi mayın 13-də keçiriləcək.
Ölkə.Az
