Ornella Muti Moskva kinofestivalına dəvət edildi
İtalyan aktrisa Ornella Muti Moskvada keçiriləcək beynəlxalq kinofestivalında jüri heyətinə dəvət edilib.
"Ölkə.Az" xəbər verir ki, bu barədə qurumun ictimaiyyətlə əlaqələr departamentinin direktoru Pyotr Şepotinnik məlumat verib.
Məlumata əsasən, jüridə finn rejissor Yorn Yohan Donner, ispan rejissor və ssenarist Albert Serra, iranlı rejissor Reza Mirkərimi də oturacaq.
Festivalın proqram direktoru Kirill Razloqov deyib: "Bu gün aldığımız xəbərə əsasən italyan aktrisa Ornella Muti jüri üzvü olmağa razılıq verib".
Jürinin beşinci üzvünün adı hələ açıqlanmır. Qeyd edək ki, festival 22-29 iyun tarixləri arasında keçiriləcək.
Hikmət
Ölkə.Az
Ölkə.Az
