Gənc müğənni "Son qərarını" verdi

Hit mahnıların ifaçısı növbəti lirik mahnısı ilə pərəstişkarlarını sevindirib.

Ölkə.Az xəbər verir ki, Elvin Babazadə dinləyicilərə növbəti lirik mahnısını təqdim edib. Gənc olmasına baxmayaraq, sevilən ifaçı Elvin Babazadə yaxın günlərdə "Son qərar" adlı yeni mahnısını yazdırıb. Musiqisi İsrail müğənnisi Eyal Qolana, sözləri isə Elvin Babazadəyə məxsus "Son qərar" mahnısı dinləyicilərin ixtiyarına verilib.

"Coxdandır ki, həm sizin, həm də özümün gözlediyim mahnı. Musiqisi Eyal Qolana, sözləri isə mənə mexsus olan "Son qərar" mahnısını sizlərə təqdim edirəm. "Sevirəm de" veə "Etiraf"-dan sonra repertuarımda bu janra xass olan 3-cü mahnımdır və əminəm ki, siz tərəfdən onlar qədər seviləcek. Mahnının ərsəyə gəlməsində böyük zəhməti olan, soundman Anar Muradova xüsusi təşəkkürlər. Heç vaxt son qərarınızı verməyə tələsməyin, əziz dostlar", - deyə, Elvin Babazadə şəxsi Facebbok profilində qeyd edib.

Elvin Babazadə daha çox hit mahnıların ifaçı və müəllifi kimi tanınır. O, eyni zamanda, 2012 və 2013 Avroviziya Milli seçim turlarının iştirakçısı, 2005-ci ildə UNESCO tərəfindən istedadlı uşaqlar üçün keçirilən müsabiqədə fəxri diplomun sahibi və eyni ildə Türkiyədə keçirilən “Novruz” festivalının mükafatçısıdır. Elvin Babazadə İsrail və Dağıstanda konsert proqramlarında çıxış edib. 2013-cü ildə o, Dağıstanın İlin ən yaxşı müğənnisi mükafatına layiq görülüb.

Gənc müğənninin yeni mahnısını sizlərə təqdim edirik:

Rəşid Mustafazadə

Ölkə.Az