"Mələklər" ilk dəfə birlikdə podiuma çıxdılar

London şəhərində "Victoria's Secret Fashion Show -nun nümayişi keçirilib.

Ölkə.az "Vogue" jurnalına istinadən xəbər verir ki, Londonda illik "Victoria's Secret Fashion Show" dəb nümayişi keçirilib. Bu il şouda 47 model iştirak edib, onlardan 10-u tədbirdə ilk dəfə iştirak ediblər.

Nümayişdə məşhur Alessandra Ambrosio və Adriana Lima kimi modellər iştirak edib. Bu il "mələklər" (şirkətin məhsulunu təqdim edən ən tanınmış modellər) ilk
dəfə podiuma birlikdə çıxıblar. Onların ikisi də, hər birisinin qiyməti təxminən iki milyon ABŞ dolları olan, geyimlər geyiniblər. Bəzək kimi bu geyimlərdə yaqut və brilyantlardan istifadə olunmuşdu. Bunların yaradılmasına isə şirkət 1380 saatdan çox vaxt sərf edib.

Qeyd edək ki, "Victoria's Secret Fashion Show" -da hər il dünyada ən məşhur modellər iştirak edirlər. Şirkət ən yüksək dairələrdə öz məhsulunu reklam etmək üçün nümayişdən istifadə edir.

ABŞ-da bu dəb şousu televiziyanın əsas saatlarında yayımlanır. Sözügedən brend birinci dəb nümayişini 1995-ci ilin avqust ayında Nyu-Yorkun "Plaza" otelində keçirmişdi.

Çinarə Vahabzadə

Ölkə.Az