Livanın gözəllik kraliçasının tacı əlindən alındı
"Ölkə.Az" xəbər verir ki, Amandanın ötən il İsrailə səfər etdiyi məlum olduğu üçün tacı əlindən alınıb.
Müsabiqənin təşkilatçıları bu qərarı finaldan bir həftə sonra qəbul ediblər. Rəsmi açıqlamada "İsrail səfəri ölkəmizin qanunlarına ziddir"-deyilir.
Amandanın Livan vətəndaşlığından başqa İsveç pasportu da var. O, bu pasportla ötən il təhsil məqsədilə İsrailə səfər edib.
Livan və İsrail arasında 2006-cı ildən bu yana böyük toqquşmalar olmasa da, müharibə vəziyyətindədirlər.
1995-ci ildən bu yana Livanda İsrailin bütün məhsul və xidmətləri qadağan edilib. Livan İsrail vətəndaşlarının ölkəyə girişinə qadağa qoyub. Eyni zamanda livanlıların da İsrailə səfəri qadağan edilib. Livan qanunlarına əsasən İsrail vətəndaşları ilə münasibət də cinayət sayılır və həbslə nəticələnir.
Hikmət Həsənov
Ölkə.Az
