Rusiyanın ən varlı ailələri

"Forbes" jurnalı Rusiyanın ən varlı ailələrinin reytinqini dərc edib.

"Ölkə.Az" xəbər verir ki, siyahıya üçüncü dəfə Qutsriyev-Şişanov çeçen-inquş klanı rəhbərlik edir. Klanın 9.91 milyard dollar sərvəti var.

Bu rəqəm bütün Rusiya varlılarının gəlirinin üçdə birindən çoxdur. Son il ərzində Rusiya varlılarının ümumi gəliri 2 milyard dollar artaraq 27 milyarda çatıb.
Klanın banisi Mixail Qutseriyev 1992-ci ildə "Safmar" adlı sənayə-maliyyə qrupunu qurub. Bundan başqa Sait-Salam Qutseriyev, Mikail Şişxanov, Said Qutseriyev və Bilan Ujaxov da klanın puluna pul qatıb. Son iki şəxsə şirkətin 10 faiz səhmi çatıb. "M.Video" və "Eldorado" kimi nəhəng şirkətlər bu qrupa daxildir.

Siyahıda ikinci yeri Rotenberqlər ailəsi tutur. Onlar Rusiya hökumətinə yaxınlıqları ilə tanınırlar. Bu ailəyə Arkadiy və Boris qardaşları, onların Roman və İqor adlı oğulları daxildir. Jurnal ailənin sərvətini 4.2 milyard dollar olaraq dəyərləndirir. 2014-cü ildə ailənin 5.55 milyard dolları var idi. Amma sanksiyalar ailəni ziyana salıb.

Üçüncü yerə "Promsvyazbank"ın direktorlar şurasının rəhbərləri Aleksey və Dmitriy Ananyev qardaşları layiq görülüb-2.7 milyard dollar.

Sonra isə Tatarstanın birinci prezidentinin oğulları-Ayrat, Timur və Radik Şaymiyevlər gəlir (2.215 milyard dollar). Siyavudin və Maqommed Maqomedovların 1.75 milyard dolları var.