Qida qəbulunun ən ideal vaxtları

İkinci qrupun heyvanları digər qrupdan fərqli olaraq arıqlayıblar.

Ölkə.Az ABŞ mətbuatına istinad edərək xəbər verir ki, amerikan alimlərin fikrincə, sutkanın 12 saatı ərzində qida qəbul etmək sağlamlığın və düzgün arıqlamağın əsas qanunudur.

Əgər insan saat 7:00-da səhər yeməyi edirsə, onun şam yeməyi 19:00-dan gec olmamalıdır. Məsələ burasındadır ki, qalan 12 saat ərzində orqanizm qidadan "dincəlməlidir".

Bu teoriyanın təsdiq olunması üçün laboratoriya sıçanları üzərində təcrübə aparılmışdı. Heyvanlar iki qrupa ayrılmışdı. Bütün sıçanlar eyni miqdarda kaloriyə malik qida qəbul etdilər. Lakin bir qrup heyvan bütün sutka ərzində az miqdarda olsa da qidalanırdılar, digər qrup isə yalnız 12 saat ərzində qidalanıb. Nəticədə məlum olub ki, ikinci qrupun heyvanları artıq çəki qazanmamaqla yanaşı, həm də digər qrupdan fərqli olaraq arıqlayıblar.

Alimlər düzgün arıqlamaq və orqanizmi sağlam saxlamaq üçün rasional şəkildə qidalanmağı və idmanla məşğul olmağı tövsiyə edirlər.

Rəşid Mustafazadə

Ölkə.Az