Kədərli musiqinin insana faydası

Sən demə kədərli musiqi insanı depresiyaya salmır, əksinə xoşbəxt edir.

Ölkə.Az Türkiyə mətbuatına istinadən xəbər verir ki, Almaniyanın Berlin Universitetində aparılan araşdırmalar zamanı bu qənaətə gəlinib. 

Adətən insanlar depresiya dönəmlərində həzin və kədərli musiqi dinləyir. Pisixoloqlar isə depresiyadan qurtulmağın yolunu ilk öncə kədərli musiqilərdən qaçmaq olduğunu deyirlər.

Lakin Almaniyanın Berlin Universitetinin alimləri tərifindən aparılan araşdırmalara görə pisixoloqların fikirinin tamamilə əksi müşahidə olunub. Müşahidələrə görə, kədərli musiqilər depresiya dönəmi keçirən insanı xoşbəxt edə bilir və bu vəziyyətdən daha tez bir zamanda çıxmağına kömək edir.

Alimlər eyni zamanda kədərli və həzin musiqilərin xəyal gücünü və yaradıcılığı artırdığını deyirlər. Pozitiv hiss etmək üçün sakit templi musiqilər əsasında " Plos One " jurnalında alimlər tərəfindən aparılan bu araşdırma yer alıb.

Zümrüd Cavadova

Ölkə.Az