NASA-nın şok hesabatı yayıldı
Amerika Aerokosmik Agentliyinin narahatlığını əks etdirən gizli bir hesabatı mətbuata sızdırılıb.
“Ölkə.Az” xəbər verir ki, kosmosa ilk uçan ingilis astronavt Helen Şarmanın iddiasına görə, NASA mütəxəssisləri göndərdikləri astronavtların kosmosda sekslə məşğul olmalarından narahat olublar.
İngiltərənin paytaxtı London şəhərində təşkil olunan “New Scientist Live” festivalında çıxış edən Helen bu barədə danışıb. O, deyib ki, bir neçə il bundan əvvəl həmin hesabat barədə məlumatlı olub.
54 yaşlı astronavt bildirib ki, bu səbəbdən də, NASA rəhbərliyi kosmosa uçacaq ekipaj üzvlərinin hamısının ya qadınlardan, yaxud da kişilərdən ibarət olmasına çalışıblar.
Bu barədə ətraflı məlumat yayan “The Sun” qəzetində bildirilib ki, kosmosda intim əlaqənin nə kimi fəsadlara səbəb olması məlum deyil.
Ziya Səccad
Ölkə.Az
