10 ildir ki, özünü psixoloq kimi təqdim edən şəxs tutuldu

Dələduz özünü 10 ildən çoxdur ki, psixoloq kimi təqdim edirmiş.

Ölkə.Az İsrailin 9 kanalına istinadən xəbər verir ki, Tel-Əviv şəhər sakini özünü peşəkar psixoloq kimi təqdim edərək, insanları aldadırmış.

Adı çəkilməyən şəxsin bu vaxta qədər hətta biznesi də qurulub. 10 ildən artıq psixoloq kimi fəaliyyət göstərən cinayətkar barədə məlumat müştərilərdən birinin şikayəti əsasında əldə olunub. Araşdırma nəticəsində məlum olub ki, bu müdət ərzində dələduz onlarla xəstəyə "yardım göstərib". Onun şəxsi klinikası isə yaşadığın evin yaxınlığında yerləşirmiş.

Polislər onun klinikasnında axtarış apararaq müxtəlif sənədlər və kompyuteri götürüblər. 10 il ərzində bu şəxsin hansı yolla peşəkar psixoloq kimi fəaliyyət göstərməsi və özünə kifayət qədər müştəri cəlb etməsi isə sirr olaraq qalmaqdadır.

Rəşid Mustafazadə

Ölkə.Az