McDonald's-da porno nümayiş olundu

İsveçrədə McDonald's ziyarətçilərinə porno video göstərdilər.

Ölkə.az "The New York Post" qazetinə istinadən xəbər verir ki, İsveçrənin Suxvill şəhərində McDonald's restoranının ziyarətçiləri böyük ekranda erotik videonun nümayiş olunmasının şahidi olublar. Daxildə quraşdırılmış ekranda "Sport 1" alman telekanalında yayımlanan Sexy Sports Clips-in ("Seksual idman klipləri") axşam şousunun fraqmentləri nümayiş etdirilib.

Ziyarətçilərdən biri kanalı dəyişdirmək xahişiylə müəssisənin əməkdaşlarına müraciət edəndə, onlar təcili xahişi yerinə yetirib, hadisəyə görə üzr istəyiblər.

İsveçrə McDonald's-nın mətbuat katibi Aqle Ştraxvits bildirib ki, bəzən restoranların əməkdaşları müştəriləri razı salmaq üçün kanalları dəyişdirirlər:

"Əgər bizim əməkdaşlarımız baş verənləri dərhal anlamayıblarsa, bu yalnız ona görə olub ki, onların diqqəti bizim müştərilərə xidmət etməyə yönəlmişdi", - deyə Ştraxvits bildirib.

Çinarə Vahabzadə

Ölkə.Az