Bu qadın hər gün tualet kağızı yeyir

Britaniyalı qadın hər gün bir rulon tualet kağızı yeyir.

Ölkə.Az "DailyMail"-a istinadən xəbər verir ki, Böyük Britaniyanın 25 yaşlı beş uşaq anası Ceyd Silvestr qeyri-adi vərdişə malkdir. Belə ki, o, hər gün bir rulon tualet kağızı yeyir.

"Hamiləliyin ikinci ayında kağız yeməyə başladım. Bunun niyə baş verdiyini izah edə bilmirəm. Dadından çox onun üz təbəqəsinin quruluşunu hiss etmək xoşuma gəlir. Evimdə bir rulon yemək üçün, o birisi isə təyinatı üzrə istifadə üçün qoyulub", - deyə qadın müsahibə zamanı etiraf edib.

Ceydin sözlərinə görə, o andan artıq bir ilə yaxın vaxt keçib. Bu vaxt ərzində o vərdişdən qurtula bilməyib və bundan əlavə, tualet kağızının firma-istehsalçılarını fərqləndirməyi öyrənib. Ceydin hətta onların içərisində sevimli növləri də vardır. Tualet kağızına olan qəribə vərdişi Ceydin özünü də qorxudur. Lakin o etiraf edir ki, öz zərərli vərdişi ilə heç nə edə bilmir.

Qeyd edək ki, həkimlərin dediyinə görə, hamilə zamanı yemək üçün yararsız şeyləri qida kimi istifadə etmək, yalnız ana üçün yox, həmçinin onun gələcək uşağı üçün təhlükəlidir. Ancaq indiki zamanda Ceydin uşağı tamamilə sağlamdır.

Çinarə Vahabzadə

Ölkə.Az