Dünyanın ən bahalı fotoşəkli satıldı

ABŞ-da dünyanın ən bahalı fotoşəkili rekord qiymətə satılıb.

Ölkə.Az xəbər verir ki, Piter Lik adlı fotoqrafın "Fantom" adlandırdığı əsəri 6,5 milyon dollara satılaraq, bu günə qədər satılan ən bahalı foto adını qazanıb.

ABŞ-ın Arizona əyalətində olan Antilop Kanyonunda çəkilən fotoşəkildə qayaların meydana gətirdiyi bir mağaranın ortasında olan dəlikdən süzülən işığın meydana gətirdiyi fərqli görüntü hər kəsi heyrətləndirib.

"Al Jazeera"-nın xəbərinə görə, bu fotoşəkil sənətçinin yüksək qiymət satılan ilk əsəri deyil. Lik daha əvvəl 2011-ci ildə "One" adlandırdığı başqa fotoşəkilini də 1 milyon dollara satmışdı.

Rəşid Mustafazadə

Ölkə.Az