Amerikalı məktəbli nahar fasiləsində 72 milyon dollar qazandı

Nyu-Yorkda yuxarı sinif şagirdi birjada 72 milyon dollar qazanıb.

Nyu-Yorkun Kvins rayonunda yuxarı sinif şagirdi 17 yaşlı Məhəmməd İslam nahar fasilələri zamanı fond birjasında məsafədən ticarət edərək bütöv bir sərvət qazanıb.

Məhəmməd hesab edir ki, "dünyanı fırlanmağa nə vadar edir? Pul. Əgər pullar axmırsa, biznes yerində dayanır - innovasiyalar, mallar, artım və iş yeri yoxdur”.

Məktəbli qazandığı pullara özünə BMW avtomobili alıb. Lakin sükan arxasında oturmaq üçün hələlik sürücülük vəsiqəsi yoxdur. Cavan oğlan Manhettendə özünə mənzil kirayəyə götürüb. Lakin valideynləri hələlik onun bu mənzilə köçməsinə qarşıdırlar.

Bildirilir ki, yaxın vaxtlarda Məhəmməd iki dostu ilə birlikdə broker fəaliyyəti üçün lisenziya almağı və fond açmağı planlaşdırır.

Onun dostlarından biri deyib: “Məhəmməd bizim maestromuzdur. O, daha çox pullar qazanacaq”. Onlar üçlükdə gələn il bir milyard dollar qazanmağı planlaşdırırlar.

İslam birja sövdələşməsində ilk təcrübəni hələ uşaqkən qazanıb. Lakin o zaman həmin cəhd uğursuz olub.(Trend)

Ölkə.Az