Pornoqrafiya nikah bağlanmasına təsir edir
ABŞ-da nikahların sayının azalmasına internetdə pulsuz pornoqrafiyanın populyarlığının artması təsir edir.
Tədqiqatçılar bu iki amil arasında statistik əhəmiyyətə malik asılılığın mövcud olduğu qənaətinə gəliblər.
Bu araşdırma barədə qısaca olaraq “Vaşinqton Post” qəzetində məlumat dərc edilib.
Alimlər 1972-ci ildən keçirilən amerikalıların ümummilli illik sorğusundakı rəqəmlərdən istifadə ediblər. Onlar 2000-2004-cü illərdə 8-25 yaşlarında 1500 gənc kişinin internetdən istifadəsini, yəni onların şəbəkədə nə qədər vaxt keçirdiklərini, pornoqrafik saytlara nə qədər tez-tez daxil olduqlarını və başqa resursları öyrəniblər.
Araşdırmanın müəlliflərindən biri olan Mayl Malkolm yazır: “Biz anlamağa çalışdıq ki, nikaha daxil olmaq ehtimalını müəyyən edən məhz nədir və burada pornoqrafiya nə dərəcədə mühüm rol oynayır”.
Bu fərziyyəni təsdiqləmək üçün o, yaş, gəlirin səviyyəsi, təhsil, məşğulluq, dindarlıq kimi ən müxtəlif amillərin nikah statusu ilə asılılığını yoxlayıb. Məlum olub ki, internetdən çox istifadə edənlər arasında evli olanların sayı azdır. Bundan əlavə, subaylar arasında şəbəkənin pornoqrafik resursları maliyyə, xəbər və idman saytlarından daha populyardır. Maraqlıdır ki, dini resurslara maraq nikahda olmaqdan birbaşa asılıdır. Yəni evlilər arasında bu saytlar daha populyardır.
Aşkar edilmiş asılılığın başqa, daha aydın izahı da var: kişilər pornoqrafiya ilə ona görə daha az maraqlanırlar ki, onlar evlənirlər. Ancaq Malkolm burada əks əlaqənin də olduğunu iddia edir və bildirir ki, bunun mexanizmi ondan ibarətdir ki, əgər pornoqrafiya seksual məmnunluq gətirirsə, onda o, məhz bu məqsədlə qurulan nikahlara ehtiyacı zəiflədir. Beləliklə, pornoqrafiya nikaha qədərki seksin "yumşaq" forması olur.
Qeyd edək ki, ABŞ-da artıq bir neçə onilliklərdir ki, nikahların sayı azalır. Bu zaman boşanmaların sayı 1980-ci illərlə müqayisədə azalsa da, yüksək olaraq qalır. Bu tendensiya ən müxtəlif səbəblərlə izah edilir. Bəzi sosioloqlar amerikalıları ər-arvad həyatını qəbul etməməyə məcbur edən artan əmlak bərabərsizliyini, başqa analitiklər isə ənənəvi ailə dəyərlərinin böhrana uğramasını göstərirlər.(Trend)
Ölkə.Az
