Hindli yandırılarkən dirildi

Hindistan sakini dəfn tonqalında birdən-birə dirilib.

Ölkə.az "The Daily Mail" qazetinə istinadən xəbər verir ki, Hindistanın Bxilvaranın şəhərinin (Radjstan ştatı) ölmüş sakininin bədənini kremasiya mərasimini keçirmək üçün dəfn tonqalına yerləşdirən zaman o, özünə gəlib. Ətrafdakılar dəhşət içərində tonqalın yanından uzaqlaşıblar.

Xatırladırıq ki, 72 yaşlı Dipak Sinqx bir gün əvvəl evinin həyətində inəkləri yedizdirən zaman şüurunu itirmişdi. Hadisə yerinə çağırılmış həkim, kişinin öldüyünü bildirdikdən sonra onu hindli adətlərinə uyğun olaraq yandırmaq qərarına gəlmişdilər. Amma qəflətən dirilməsi bu mərasimi yarımçıq qoydu.

Dirilən hindli isə gözlərini açan kimi bu sözləri söyləyib: "Ümid edirəm ki, məni yenidən yandırmağa çalışmazdan əvvəl onlar həqiqətən öləcəyimi gözləyəcəklər"

Çinarə Vahabzadə
Ölkə.az