40 restoran, 23 hovuz
Dünyanın ən böyük və lüks sərnişin gəmisi “Symphony of the Seas” (Dənizlərin simfoniyasl) ilk səfərinə hazırlaşır.
“Ölkə.Az” xəbər verir ki, 7 aprel tarixində Barselonadan səfərə çıxacaq gəmi üzən şəhəri xatırladır.
Gəminin inşasına Fransanın “STX” gəmiqayırma zavodunda başlanılmışdı. Gəmi “Royal Caribbean” turizm şirkətinə məxsusdur. Uzunluğu 362 metr uzunluğu olan gəminin çəkisi 228 min tondur. Hündürlüyü 70 metr olan gəmi dünyanın ən böyük sərnişin gəmisi sayılır.
2.775 kayutda 6.800 sərnişin və 2.200 ekipaj üzvü yaşaya bilər.
Gəminin içində 40 restoran və bar, 23 üzgüçülük hovuzu, serfing yeri, buz meydançası, kinoteatr və teatr, mini qolf sahəsi, iki dağa dırmanma divarı, 25 metrlik zip line, spa mərkəzi, idman salonu, robot barmenlər və onlarla mağaza var.
Hikmət Həsənov
Ölkə.Az
