Selfi çubuğu 100 il əvvəl yaranıb
Yaponlar dünyanı 20 il qabaqlaya bilib.
Ölkə.Az xəbər verir ki, yanvarın 5-i San-Fransisko sakini Tess Rinirson 1995-ci ildə nəşr olunmuş "Faydasız yapon ixtiraları" kitabında selfi çubuğu (monopod) haqqında geniş məlumat və şəkillər aşkar edib. Mətndə bildirilir ki, bu qəribə qurğu tənha səyyahlar və birlikdə şəkil çəkdirmək istəyən sevgililər üçün nəzərdə tutulub.
Found in a 1995 book of "useless" japanese inventions: the selfie stick. pic.twitter.com/FI49ysDp2i
— Tess Rinearson (@_tessr) 5 января 2015
Növbəti günlərdə sözügedən kitabdakı məlumat "Twiiter"də 13 min dəfə retvit olunub və KİV-lərin diqqətini də cəlb edib. Buna cavab olaraq istifadəçilərdən biri kişi ilə qadının 1926-cı ildə naməlum çubuq vasitəsilə çəkdiyi şəkli yerləşdirib.
Evidence of a selfie stick from 1926 @_tessr @stevesi @ghostbar pic.twitter.com/YJIkjMg7K7
— Adam Khan (@Khanoisseur) 5 января 2015
Bu şəkil sosial şəbəkələrdə geniş müzakirələrə səbəb olub. Hər iki fakt müasir dövrdə xeyli populyar olan selfi çubuğunun əslində xeyli müddət əvvəl ixtira edildiyinə dair fikirləri daha da gücləndirir.
Xatırladaq ki, "Time" jurnalı selfi çubuğu və ya monopodu 2014-cü ilin ən başlıca ixtiralarından biri adlandırıb. 2015-ci ilin ilk günlərində isə bu maraqlı qurğu dünyanın əksər ölkələrində geniş yayılıb və əsl trendə çevrilib.
Rəşid Mustafazadə
Ölkə.Az
