Özünü gözəl hesab edənlər üçün pulsuz restoran
Bu restoran ən gözəl müştərilərə pulsuz xidmət edir.
Ölkə.Az "CNET"a istinadən xəbər verir ki, Çinin Çjençjou şəhərində yerləşən restoranda sifarişlər gözəlliklə ödənilə bilər.
Çjençjoudakı "Çedju adası" restoranının girişində üzləri skan edən qurğu yerləşdirilib. Bu qurğu gələn müştərilən üzlərini onların masaya yaxınlaşmasına qədər skan edir. Əldə edilmiş fotoları müəssisə ilə xüsusi müqavilə bağlamış bir qrup cərrah qiymətləndirir.
Bir gün ərzində 50-yə qədər restoran ziyarətçisi xarici görkəminin mükəmməlliyi hesabına pulsuz yeyib-içə bilər. Mütəxəssislər, əsasən, gələn şəxslərin burun, dodaq və digər üz cizgilərinə diqqət yetirirlər.
Çjençjou şəhərinin yerli hakimiyyət orqanları bu maraqlı aksiyadan təəccüblənmədilər və "Çedju adası"nın sahiblərini girişdə asılmış elanı çıxarmağı tələb ediblər.
Ölkə.Az
