Bu sosial şəbəkə ailələri dağıdır

Bu şəbəkə boşanmalara səbəb kimi göstərilib.

Ölkə.Az "The Daily Mail"a istinad edərək xəbər verir ki, britaniyalı hüquqşünaslar boşanmaların səbəbləri sırasında üçüncü yerdə məhz sosial şəbəkələri, xüsusən "Facebook"u göstərib. "Lake Legal" adlı hüquq şirkətinin mütəxəssisləri boşanmaları analiz edərək qərara gəlib ki, Facebook ailə münasibətlərinə mənfi təsir göstərir.

"Sosial şəbəkələr insanlara illərlə danışmaqdıqları keçmiş sevgililəri ilə ünsiyyət qurmağa imkan verir", - deyə şirkətdən bildirilib.

Lin Eyrton bildirib ki, sosial şəbəkələrdə insanlar şəxsi həyatına aid olan və gələcəkdə məhkəmədə istifadə edilə biləcək detalları paylaşır. Həyat yoldaşını xəyanətdə ittiham etmiş vətəndaşlar əsas kimi məhz şəbəkələrdəki yazışma və paylaşımları təqdim edir.

Mütəxəssislər 200 boşanma halını araşdırandan sonra məlum olub ki, onlardan təqribən 30%-də tərəflərdən biri "Facebook"dan sübüt göstərib.

Ölkə.Az