Niyə valideynlər körpələrini "yemək" istəyir?

Bu, "xoş aqressiya" adlanır.

Bəzən siz balaca övladınıza baxaraq onu sanki dişləmək, qucağınızda boğmaq istəyirsiniz. Başqa bir hal: hansısa heyvanın görünüşü o qədər xoş təsir bağışlayır ki, ondan əl çəkmək belə istəmirsiniz.

Bu əlamətin adı və konkret sosioloji məqsədi var. ABŞ-ın ən məşhur ali təhsil müəssisələrindən biri olan Yel Universitetinin psixoloqları hesab edir ki, bu cür nümunələr neqativə qalib gəlmək üçün pozitiv affektin üzə çıxmasıdır. Bu həm də emosiyaları nizamlamağa yardım edir.

Hər hansı xoş təəssürat bağışlayan canlını görən insan özünənəzarəti itirir və şüursuz şəkildə xoş aqressiya göstərir. Buna görə sizin körpənizi görəndə az qala yeməyiniz tamamilə normal hisdir. Siz beyninizdə yaranmış emosiyaları bununla sakitləşdirmiş olursunuz.

Qeyd olunur ki, xoşbəxtlik göz yaşları da bu qəbildən olan emosiyalara aiddir.

Ölkə.Az