Polşanın yeni prezidenti transseksual olacaq?

Transseksual Anna Qrodska öz namizədliyini Polşanın prezident vəzifəsinə irəli sürəcək.

Ölkə.Az "Newsweek Polska" jurnalına istinadən xəbər verir ki, Milli Assambleyanln aşağı palatasına seçilmiş Polşanın ilk transseksualı Anna Qrodska ölkənin prezidenti vəzifəsinə öz namizədliyini irəli sürmək fikrində olması barədə mediyaya məlumat verib.

Qrodskinin sözlərinə görə, onun namizədliyini üzvü olduğu "Yaşıllar Partiyası" dəstəkləyəcək. Gələcək namizəd müxbirlərlə söhbətdə bildirib ki, siyasətçilərin onu qınanmasından qorxmur, çünki "bu qərarı onlar vermirlər".

Qrodska cinsiyyətin tam dəyişməsindən bir il sonra, 2011-ci ildə deputat seçilmişdi. O, transgenderlərin maraqlarının müdafiəsiylə məşğul olan «Trans-Fuzja» hüquq müdafiəsi fondunun təsisçisidir.

Çinarə Vahabzadə

Ölkə.Az