Öləndən sonra "Facebook" hesabınız kimə qalacaq?

"Facebook"dan növbəti yenilik.

Ölkə.Az xəbər verir ki, dünyada 1.5 milyard istifadəçi sayı ilə rekorda imza atan "Facebook" istifadəçiləri üçün yenilik gəlib.

"Facebook"un bu xüsusiyyəti istifadəçilərin öldükdən sonra hesablarını miras olaraq saxlamaqlarına imkan yaradır.

''Legacy Contact '', yəni ''Miras kontraktı'' olaraq hesabların təhlükəsizlik parametrlərinə gələn menyuda həyatınızı itrdiyiniz təqdirdə hesabınızın kimə keçəcəyini müəyyən edə biləcəksiniz. Seçdiyiniz şəxs həyatınızı itirdiyi və "Facebook"un bunu təsdiq etdiyi halda hesabınızın profil və qapaq şəkilini dəyişdirə, ya da hesabınızı tamamilə bağlaya bilər. "Facebook" idarəçisi Vanessa Kalisson verdiyi açıqlamada bildirib ki, bu xüsusiyyət ölən insanın profilinin gələcəyini müəyyənləşdirməyə imkan verəcək.

Hal-hazırda yalnız amerikalı istifadəçilər üçün aktiv olan bu xüsusiyyət qısa müddət ərzində bütün dünyada da tətbiq olunacaq.

Ölkə.Az