Spirtli içki insanı cavanlaşdırır

Spirtli içkini kiçik dozalarda qəbul etmək olarmı? Bəziləri hesab edir ki, spirtli içkilərin zərəri yoxdur, əksinə xeyri var. Lakin mütəxəssislər yekun və vahid qərara gəlməyiblər.

Ölkə.Az "Nauka i Jizn" ( "Elm və Həyat") jurnalına istinadən xəbər verir ki, alkoqol ətrafında gedən elmi diskussiyalar səngimək bilmir.

Spirtli içkilər xeyirdir yoxsa ziyan? Bir tərəfdən etanolun ziyanından bəhs edən tədqiqatlardan böyük kitabxana düzəltmək olar. Digər tərəfdən isə qırmızı şərabı qəbul edən və məhz onun sayəsində uzun ömür sürdüklərini iddia edən insanlar da az deyil.

Bir neçə il əvvəl bioloqlar şərabın hansı şəkildə xeyirli olduğunu aşkar edib. Söhbət "əbədi cavanlıq mənbəyi" adlandırılan resveratroldan gedir. Alimlər iddia edir ki, resveratrol qocalma prosesini xeyli dərəcədə ləngidir. O, bir çox ərzaqlarda olsa da, daha çox üzüm və qırmızı şərabda daha çoxdur.

Rəşid Mustafazadə

Ölkə.Az