Bu kitab insan dərisindən hazırlanıb

Harvard universitetinin kitabxanasında insan dərisindən hazırlanmış kitab tapılıb.

Ölkə.Az xəbər verir ki, dünyanın ən nüfuzlu ali məktəblərindən olan Harvard universitetinin kitabxanasında insan dərisindən hazırlanmış əlyazmalar aşkar edilib.

Kitabların növbəti siyahıyaalma prosesində 3 kitab işçilərin diqqətini çəkib. Diqqətlə baxdıqdan sonra məlum olub ki, kitabın üz qabığı yumşaq insan dərisinə bənzəyir. Sonradan isə dərinin həqiqətən insana məxsus olduğu təsdiq olunub. İnsan dərisindən olan kitablar arasında roma poeziyası toplusu, fransiz fəlsəfəsi və orta əsr ispan qanunvericiliyi traktatı yer alıb.

Kitabxanada qeyd olunub ki, insan dərisinin kitabların üzlənməsində istifadə edilməsi 17-ci əsrdə populyar olub. Xüsusən, bu material anatomiya dərslikləri üçün geniş yayılıb.

Ölkə.Az həmin kitabların bəzi görüntülərini təqdim edir:

Ölkə.Az