“Apple” 5 ilə “bomba”nı partladacaq

“Apple” şirkəti yeni ixtiraları ilə dünyanı təəcübləndirməkdə davam edir. 

 “Apple” kompaniyasının rəhbəri Stiv Cobs ölümündən bir müddət əvvəl məşğul olduğu avtomobil istehsalı proyekti 5 ilə reallaşa bilər. Bu barədə “Wall Street” jurnalı xəbər yayıb. 

Xəbərdə bildirilir ki, hazırda iki versiya üzərində iş gedir; onlardan biri "Tesla" modellərinə oxşayan elektromobil, digəri isə sürücüsüz idarə olunan elektromobildir. 

Əgər hər şey planlaşdırılan kimi davam edərsə, smartfon istehsalı üzrə dünya lideri olan “Apple”ın bazarın hazırki sahibləri sayılan "Tesla Motors" və "General Motors" şirkətlərinə rəqib ola biləcəyi bildirilir. 

Qeyd edək ki, bu barədə bir neçə il bunan əvvəl şirkətin direktorlar şurasının üzvlərindən olan Mikki Dreksler də mətbuata məlumat vermiş və o, Stiv Cobsun ölümündən qabaq “iCar” istehsal etməyi planlaşdırdığını demişdi.

Ölkə.az