Naringinin xeyir və ziyanları

Ölkə.Az olaraq ənənəmizi davam etdirərək növbəti dəfə bir meyvənin insan orqanizminə olan xeyirlərini göstərəcəyik. 

Bəli, bizim növbəti "qonağımız" naringidir.

Bu sitrus meyvəsinin növləri haqqında hələ 1178- ci ildə Çin əlyazmalarında rast gəlinib.

İlk öncə onu qeyd edək ki, digər sitrus meyvələri kimi naringi də C vitamini ilə çox zəngindir. C vitamini isə sinir sisteminə müsbət təsir göstərir, dəmirin yaxşı mənimsənilməsinə şərait yaradır, soyuqdəymə xəstəlikləri ilə mübarizədə kömək edərək, orqanizmə müsbət təsir göstərir. 

Naringinin tərkibində C vitamini miqdarının yüksək olması xüsusilə siqaret çəkənlər üçün əlverişlidir. C vitamini toksik maddələrin təsirini azaldır və orqanizmin oksigen aclığına olan müqavimətini artırır.

Lakin onu da xatırladaq ki, naringi mədə və onikibarmaq bağırsaq yarası, yüksək turşulu qastrit zamanı, bağırsağın iltihab xəstəlikləri, həmçinin hepatit və nefrit zamanı qadağandır.

Naringini yeməklə siz orqanizminizi möhkəmləndirə və tonusda saxlaya bilərsiniz.