Spirtli içkilər kişi xəstəliklərini gücləndirir

Spirtli içkilər prostat vəzi xəstəliklərinə ziyanlıdırmı?

Ölkə.Az olaraq bu sualın cavabını tapmağa çalışdıq. Prostat vəzi xəstəliyindən əziyyət çəkənlər spirtli içkilərdən hansı miqdarda istifadə edə bilər, ümumiyyətlə bu xəstəlik zamanı içki qəbul etmək nə dərəcədə doğrudur?

Spirtli içkiləri ( bura şampan və çaxır da daxildir) xroniki prostatit zamanı çox kiçik dozalarda qəbul etmək olar. Pivəni də bu siyahıya əlavə edə bilərik.

Lakin onu da qeyd etməliyik ki, spirtli içkilər qanın kiçik çanağa və prostata tərəf axının gücləndirir. Həddindən artıq içkilərin istifadəsi isə əməlli-başlı fəsadlar yaradır. Belə ki, orqanizmdə qan dövriyyəsi pozulur və prostatda müxtəlif əlamətlərin üzə çıxmasına gətirib çıxarır.

 Belə nəticəyə gəlmək olar ki, spirtli içkilərin istifadəsinin artması prostat vəzisi xəstəliyinin daha da ağırlaşmasına səbəb olur. Xroniki prostatitdən əziyyət çəkənlərin ümumiyyətlə spirtli içkiləri rasiondan çıxarması məsləhət görülür.

Rəşid Mustafazadə

Ölkə.Az