Qaxda qeyri-adi bağ
Qaxın Ləkit kəndində yaşayan Vaqif Aydınov həyətində qeyri-adi bağ salıb.
O, müxtəlif növ dekorativ bitkilər və ağaclar yetişdirir, lakin bunu bir qədər fərqli şəkildə edir. Bu işlə 30 ilə yaxındır ki, məşğul olan bağban köhnə şinləri toplayır və onlara müxtəlif forma verir. Yaranan fiqurların içində güllər və dekorativ ağaclar əkir, yəni ondan dibçək kimi istifadə edir. 200-ə yaxın belə bəzək kolları yetişdirmiş qəhrəmanızın kolleksiyasında ən maraqlı olanı isə Qu quşunun fiqurudur.
Bu işdən heç bir maddi maraq güdməyən bağban bu işin sadəcə onun üçün həyat tərzi olduğunu, güllərə, çiçəklərə qulluq edərkən ruhən dincəldiyini, özünü təbiətin bir parçası kimi hiss etdiyini deyir.Kanal S ( Region Tv )
Ölkə.az
