"Google Chrome" istifadə edənlər

Əgər "Google Chrome" istifadə edirsinizsə bundan sonra qırmızı ekranla daha tez-tez rastlaşacaqsınız.

"Chrome"un yeni təhlükəsizlik həll yolu

Ölkə.Az xəbər verir ki, "Google" təhlükəsizliyini artırmaq üçün "Chrome" brauzerinə yeni bir xüsusiyyət əlavə edir. "Chrome" bundan sonra zərərli proqram endirməyə cəhd edən veb saytlar haqqında istifadəçini xəbərdar edəcək.

"Google"ın xəbərdarlıqları yalnız zərərli proqramlar, viruslar, troyanlar deyil, həmçinin istifadəçi aldatmağa yönəlik proqramlar da olacaq. Bunların arasında indi tez-tez qarşımıza çıxaraq bizi bezdirən reklam məqsədli proqramlar da var.

İstifadəçilər bir veb saytında gəzərkən "Chrome" kiçik bir "pop-up"la (pəncərə ilə) təhlükəli proqramlar haqqında xəbərdarlıq edəcək. "Google" həmçinin oxşar xəbərdarlıq sistemlərini digər xidmətlərinə də tətbiq edəcək. "Google"ın bu səyindən sonra kompüterlərimizi işğal edən "adware"lərin sayında əhəmiyyətli azalma gözlənilir.

Ölkə.Az