Mətn ölçüsü:
  • 100%

Sidiyin rəngi və qoxusu hansı xəstəliklərin göstəricisidir?

Sidik, sadəcə, toksinlərin və artıq suyun bədəndən xaric olunması demək deyil. Bədənlə bağlı bir çox gizli məlumatları da məhz sidik verir.

Sidiyin ən önəmli xüsusiyyətlərindən biri də onun rəngidir. Şəffaf və ya solğun sarı rəngdə olan sidiyin rənginin dəyişməsi bir çox xəstəliklərin göstəricisidir. Düzdür, yediyimiz qidalar da onun rənginin dəyişməsinə səbəb ola bilər, lakin əksər sağlamlıq problemləri sidiyin rənginə təsir edir.

Təzə sidik, demək olar, iysizdir. Lakin havanın təsiri nəticəsində sidikdə müəyyən proseslər baş verir ki, nəticədə ifraz olunduqdan bir müddət sonra sidiyin iyi dəyişilir və ondan kəskin ammiak iyi gəlir.

Tünd rəng orqanizmin susuz qalmasından xəbər verir

Sidiyin tünd rəngdə olması orqanizmin susuz qalmasının göstəricisidir. Maye çatışmazlığından xəbər verən tünd rənglə birlikdə pis qoxu da ola bilər. Belə vəziyyətlərdə bol-bol su için.

Hamiləmisizmi?

Evdə aparılan hamiləlik testləri sidiyin tərkibində HCG hormonunun olduğunu müəyyən edir. Bəzi qadınlar hamilə olduğunu öyrənməzdən əvvəl sidiklərindən kəskin qoxu gəldiyini bildirir.

Hansı növ meyvələr sevirsiniz?

Bəzi meyvə və tərəvəzlərin tərkibində olan tünd piqmentlər sidiyin rəngini qırmızıya çevirə bilər. Qulançar yedikdən sonra sidiyin pis qoxacağını da unutmayın. Bu tərəvəzdə olan maddə pis qoxuya səbəb olur.

Tünd sarı – bu rəng böyrəklərdə problem olmasına və ya sarılıq xəstəliyinə işarədir. Qəti qərara gəlmək üçün həkim məsləhətinə ehtiyac var.

Narıncı rəng – orqanizmdə C vitamininin çoxluğu sidiyi narıncı rəngə çevirə bilər.

Bulanıq qəhvəyi rəng – bu rəng ciddi sağlamlıq problemindən xəbər verir. Belə ki, bu rəng qara ciyər problemi, hepatit, dəri xərçəngi kimi ciddi xəstəliklərin xəbərçisidir ki, bu zaman həkimə muraciət təxirəsalınmazdır.

Qırmızı rəng və ya qanlı sidik – bu zaman sidik ya qırmızı olur və ya sidikdə qan damcıları görünür. Əsas səbəb kimi böyrək daşlarını göstərmək mümkündür ki, həmçinin bu vaxt da həkimə müraciət təxirəsalınmazdır.

Mavi və yaşıl - Asparagus sidik rənginin yaşımtıl olmasına yol aça bilər. Dərman müalicələri və bəzi multivitaminlər sidik rənginin göy rəngə çalan olmasına gətirib çıxarar. Buna bədəndə kalsium çoxluğu səbəb olur.(tabloid.az)